minos 7歲7個月17-24日大喇 -- 日本廣島, 米子之旅day1-8

2016年8月9日星期二

minos 7歲7個月17日大喇 -- 香港, 廣島day1

今日minos一早起身梳洗換好衫, 就幫手叫班貓貓出露台後, 我地就出門口去機場, 去到先寄存行李, 再去食個早餐, 食完都仲有少少時間俾minos去玩一陣....

真係一陣之後, 就準備上機喇 !!

話咁快就三個多小時機程, 等其他人落機後, 我地先落機....

入境後係廣島機場.....

立即去租車櫃位報到.....

租到車後就出發去酒店, 我地要先上highway.....

係中途既小谷駅食個午餐.....

是日午餐, 呢餐望落少少地, 但真係唔平架.....

再加個甜品.....

然後開多個多小時車就到今晚住既酒店check in....

今晚酒店房間....

放低行李後再出發....第一站係唔覺意經過既西松屋, minos第一件t-shirt入手.....

然後就係陪minos爸爸行汽車用品店.....

再行二手用品店.....

又唔覺意經過既一間寺.....

再去另一間二手物品店.....

今日晚餐既地方 -- youme

食晚餐既餐廳.....

minos既小人餐.....

食完就返酒店喇.....而家先影吓間房.....

洗手盤係廁所出面.....

2016年8月10日星期三

minos 7歲7個月18日大喇 -- 大久野島, 米子day2

今日minos一早就起身, 一來我地要轉酒店, 二來我地要去minos好期待既兔仔島.....不過無論minos幾早, 都不及我早, 一起身影既窗外風景....

食酒店包既早餐.....

開半個多小時車就到坐船碼頭附近喇.....

買好來回船票先 !!

上船前再買好餵兔既兔食.....兔食其實係乾草粒, 非常適合兔仔, 亦非常健康 !!

船上既溫馨提示....

船倉外既親子照.....

一落船minos已經急不及待去餵兔.....我地會圍住個島行一個圈, 邊行邊餵 !！

大久野島本身係有不少戰爭遺跡, 當然要趁機教育一下minos喇 !!

沿途一直有兔, 只要一搖手上既兔食袋, 一發出紙袋聲音, 就會有兔仔自己衝埋黎要食兔食.....

再行到另一個遺跡....

除咗兔仔, 兩父仔仲會影吓昆蟲.....一隻藍色既蜻蜓 !!

再一個遺跡.....

風景亦好美......

再黎餵兔仔....

繼續行.....

繼續餵...

再繼續行.....

再繼續餵.....

十隻乖乖兔......

終於行番去碼頭, 不過船已開走, 再等下一班.....

有船喇 !! 上橋喇 !!

落船再去下一景點同米子酒店前, 先食個中午.....

就係手拉喬麥麵喇 !! 

又唔覺意經過一個好好玩既公園, 兩父子就咁衝去玩滑梯囉....

到達另一個景點, 就係富田城跡喇 !!

然後再開車返去米子既酒店check in, 同埋食晚餐喇....

又有甜品呀 !!

其實我地去咗food fare呀 !!

不過食完都唔係返酒店, 而係出去美保關燈塔影燈塔同影星, 只不過我部相機影唔到夜景同星, 只係影完燈塔返酒店時, 見到有人捕魚歸來呀 !!

真係好大條呀 !!

2015年8月11日星期四

minos 7歲7個月19日大喇 -- 米子境港day3

今日minos係酒店食個輕食早餐, 不過無牛奶, 所以我早一晚已經準備好喇.....大山牛奶 !! 大山係日本其中一個火山呀 !!

今日minos換上之前買既浴衣, 因為今日我地要去鬼太郎街呀 !!

去到米子駅......

米子駅既地標.....

又影警車呀 !!

今日係坐鬼太郎列車去鳥取呀 !!

話咁快就到達鳥取駅喇 !!

一出駅就已經周圍都係水木荗作品既銅像喇 !!

扮野minos....

見到貓女列車....

牆壁怪呀 !!

再黎扮野minos.....

星君鼠銅像....

買咗個鬼眼爸爸水樽喇.....

鬼太郎既手製木屣店呀 !!

水木荗記念館.....

行咗去妖怪花園.....

再行番去大街時遇上死神....

再遇上鬼太郎.....

然後minos又扮野喇 !!

經過妖怪神社.....

入店舖見到星君鼠.....

然後行到妖怪倉庫, 不過我地無入去, 因為我地已經好攰, 要去搵地方食中午喇 !!

狼吞虎嚥既minos.....

食多兩啖先影張相......

行到咁攰, 當然要去浸下足湯, 消消疲勞喇 !!

臨走前再影.....

要上車喇....

返去攞車後就係去望住係好斜既江島大橋.....

今晚去食燒肉....

返到酒店minos收到既驚喜, 酒店送俾minos一塊鬼太郎餅餅呀 !!

2016年8月12日星期五

minos 7歲7個月20日大喇 -- 米子, 鳥取day4

今日minos要去鳥取城跡, 係酒店食完個好輕食既早餐後, 經過大山惠既駅, 就停低買包新鮮蕃茄仔俾minos品嚐....

 然後再開車再到另一個駅休息影相.....

再行就到柯南館.....

我地再開車時見到有風力發電既風車, 所以兜落小路, 行到風車下面影相同再教育一下minos.....

行出少少原來有個好靚既沙灘呀 !!

再開車到龍見台, 就坐低食中午喇 !!

兩父子又影親子照.....

真係好靚既水平線呀 !!

再行就到達目的地喇 !!

上史跡前先入仁風閣, 係其中一位皇太子既故居.....

minos扮太子....

 扮完野就正式上去史跡喇 !!

行完我地已經好熱好熱, 所以入一入去博物館休息一下先....

minos又食雪糕喇.....

休息完再去下一個景點 -- 鳥取砂丘呀 !!

曬到黑哂既我地行完沙丘, 回程時去食100yen夀司呀 !!

終於記得同架車合照.....

今晚都仲未完, 因為今晚係有英仙座流星雨, 所以minos會去影星, 而我就同minos放煙花......

放完煙花既minos, 定定地坐係沙灘, 同我地一齊見到唔少流星呀 !! 

2016年8月14日星期日

minos 7歲7個月22日大喇 -- 宮島day5

今日我又影吓酒店窗外風景.....

呢間酒店唔包早餐, 我地去食麥當當 !!

食完又去坐船喇....今次係去宮島呀 !!

見到喇 !! 嚴島神社既海中鳥居呀 !! 

一落船迎接我地既係鹿呀 !! minos唔駛去奈良喇 !!

剛剛係水退既時間, 可以行落海度影鳥居呀 !!

當然唔係咁少野行, 我地去埋宮島水族館.....

除咗鯊魚, 仲有瀨戶內海獨有既海豚同我愛既水瀨呀 !!

仲有奇特既海洋生物添.....

又有得俾小朋友親身去接觸架.....

行完水族館離開前經過嚴島神社, 不過人太多, 我地唔迫入去, 只係外面圍住行.....

吸引到minos爸爸既廣島燒蠔....

就算我唔食蠔, 但係我聞到都覺得好香好好味.....

蠔我就唔食得, 不過就可以同minos食刨冰.....

落完海就上山喇 !! 我地要坐纜車上去岩國城呀 !!

minos好期待.....

攻城喇 !! 上呀 !! minos !!

見到天守喇 !!

攻上到天守喇 !!

落番山就去出名既錦帶橋, 又係講故事既時候喇......話說條橋係好耐之前已經起好, 不過係195x年時俾颱風吹斷咗........

回程時經過讚岐烏冬, 所以就去食烏冬喇 !!

2015年8月13日星期六

minos 7歲7個月21日大喇 -- 東廣島day6

今日minos要返落東広島既酒店, 所以我地一食完早餐就出發, 先經過松江城.....又係講歷史故事時間喇 !!

再黎另一位皇太子既故居 -- 興雲閣....

然後就係城跡....

攻上天守喇 !! 衝呀 !! minos !! 哥斯拉 !! 三頭龍 !!

攻完一個城, 再去攻下一個 !! 郡山城-- 

不過因為時間關係同要行1700m上山, 所以我地今日唔攻上去住, 下次先.....

minos帶去部機相突然暴斃, 所以要周圍幫minos搵吓有無平相機.....

相機未搵到, 所以先去酒店, 呢間係咁多日黎房間最大既一間...

因為呢間係專做婚禮場地既酒店.....

大房間呀 !!

附近影到既日落.....

係酒店附近alpra plaza入面食晚餐.....

minos又係食小人餐.....

2016年8月15日星期一

minos 7歲7個月23日大喇 -- 廣島day7

今日minos都係去食麥當當, 我估minos食多一次就唔會再想食麥當當早餐喇.....

今日我地去攻廣島城....

入面有得俾小朋友換裝呀 !!

本來之後係去睇恐龍, 但當我地準備出發時先發現, 今日休館呀 !! 所以就直接去原子彈紀念碑.....

又係教育minos要我講故事既時間喇.....話說係好耐之前, 日本各其他國家發動戰爭, 中國同香港都受到攻擊.......

今日既中午, 手握壽司 !! 好好味呀 !!

係途中minos爸爸終於搵到部新相機俾minos喇 !! minos帶埋部新相機去 "吳" 影潛艇同戰艦, minos好開心呀 !!

潛艇戰艦日落親子照 !

係返去酒店途中既時候, 經過拉麵店, 所以今晚食拉麵.....

不過minos係食餃子飯......

2016年8月16日星期二

minos 7歲7個月24日大喇 -- 廣島, 香港day8

今日minos又好早自己起身, 因為今日去睇恐龍呀 !!

入館喇 !! 有實物呀 !! 其實呢次既展覽, 係由我地之前係福岡恐龍博物館搬過去既, 所以其中好多既展品我地都已經見過, 不過對minos黎講, 仍然覺得新鮮呀 !!

有得餵雷龍呀 !!

呢三隻速龍造型好鬼馬呀 !! 先係金雞獨立....

然後猛大個口......

再黎傻樣一隻.....

minos都覺得好好笑.....

去完恐龍館, 係時間出發去機場喇......但係經過呢個駅, 我地忍唔住要落車去影個名 ----- 瀨野駅 !!

經過一輪車程, 終於到達廣島機場, 要離開日本喇 !!

一上機我同minos爸爸已經瞓咗, minos反而自己享受呢個回程, 到落機時仲好開心呀 !!